myschool අඩවියේ ලිපි සැකසීමේ සම්මත ආකෘතිය

myschool අඩවියේ ලිපි සැකසීමේ සම්මත ආකෘතිය


myschool වෙබ් අඩවිය වෙත ඉදිරිපත් කරනු ලබන ලිපි සඳහා සම්මත ආකෘතියක් හඳුන්වා දීම මෙම ලිපියේ මූලික අරමුණ වේ. myschool වෙබ් අඩවිය වෙත ලිපි සම්පාදනය කරන සියලු දෙනා මෙම ලිපිය ඉතා හොදින් කියවා මෙහි දැක්වෙන උපදෙස් අනුගමනය කරමින්, මෙම සම්මත ආකෘතිය තුල රැඳෙමින් නව ලිපි සම්පාදනය කළ යුතු බව අවධාරණය කරනු ලැබේ.

සුවහසක් ශ්‍රී ලාංකික දුවා දරුවන් විෂය දැනුමින් පෝෂණය කිරීමේ අරමුණින් පවත්වාගෙන යනු ලබන myshcool.lk වෙබ් අඩවිය වෙත ලිපි සම්පාදනයෙන් දායක වන ඔබ සියලු දෙනාගේ ඒ අමිල මෙහෙවර අප බෙහෙවින්ම අගය කළ යුතුමය. වෙබ් අඩවිය පවත්වාගෙන් යාමේදී කාලීනව පැන නැගී ඇති ගැටලුවක් නම් ඔබ විසින් අප වෙත එවන බොහෝ ලිපි වෙබ් අඩවියේ පළකිරීමට සුදුසු අන්දමේ නිමාවකින් යුක්ත නොවීමයි. එවැනි අසම්පූර්ණ ලිපි යලි සංස්කරණය කොට අඩුපාඩු සැකසීමෙන් අනතුරුව වෙබ් අඩවියේ පළකිරීම මේ වන තෙක් සිදුකරනු ලැබූවද, මේ වන විට අප වෙබ් අඩවිය වෙත දිනකට ලබෙන නව ලිපි සංඛ්‍යාව සැලකූ විට තවදුරටත් ඒ අන්දමට ලිපි යලි සංස්කරණය කිරීමට වැය කළ යුතු කාලය හා ශ්‍රමය ඉතා විශාලය. මෙම ලිපිය ලියන අවස්ථාව වන විටත්, සංස්කරණමය දෝෂ නිසා වෙබ් අඩවියේ පළකිරීමට හැකියාවක් නොලැබී ගොඩ ගැසී තිබෙන ලිපි සංඛ්‍යාව බොහෝය. එම සෑම ලිපියක්ම අපවෙත ලැබෙන පිළිවෙළට එකින් එක කියවා අඩුපාඩු සකසා වෙබ් අඩවිය තුල පළකිරීමේදී ඔබ අප වෙත ලිපිය එවනු ලැබූ දින සිට සති කිහිපයක් පවා ගත වී තිබිය හැක. සකසන ලද ලිපි වෙනුවෙන් ඔබ වෙත මුදල් ගෙවනු ලබන්නේ එම ලිපිය වෙබ් අඩවියේ පළකිරීමෙන් පසු බැවින් ඔබ වෙත මුදල් ලැබීම සඳහා එම ප්‍රමාදය ඍජුවම බලපානු ලැබේ. ඔබේත් අපේත් පහසුව වෙනුවෙන් මින් මතු ඔබ විසින් සකසන ලිපි මෙම සම්මත ආකෘතිය තුල පිහිටුවමින් මෙහි දැක්වෙන උපදෙස් අනුගමනය කරමින් සකසන් මෙන් කාරුණිකව ඉල්ලා සිටිනු ලැබේ. තවද ලිපි සැකසීම පහසුවෙන් කිරීමට අනුගමනය කළයුතු යම් යම් උපායමාර්ග පිළිබඳවත් පහත විස්තර කොට ඇත.

ලිපියක් ලිවීමට පෙර,

1. ඔබ විසින් සැකසීමට අදහස් කරගෙන සිටින ලිපියට ගැලපෙන, සුදුසු මාතෘකාවක් යොදන්න. එම මාතෘකාව ක්ෂණිකයෙන් ලිපියෙහි අන්තර්ගතය පිළිබඳව දළ අවබෝධයක් ලැබෙන ආකාරයේ එකක් විය යුතුය. තවද මෙම මාතෘකාව හැකිතාක් කෙටි විය යුතුය.

2. ලිපියේ ස්වභාවය හා ශ්‍රේණිය නිවැරදිව තෝරන්න. මෙහිදී ඔබ විශයකට අදාල ලිපි යන විකල්පය තේරුවහොත් පමණක් එම විෂය තේරීමට තවත් drop down මෙනුවක් පහලින් මතු වේ. එම මෙනුවේදී ලිපිය අදාල වන විෂය නිවැරදිව තෝරන්න. ඔබගේ ලිපිය වෙබ් අඩවියේ පළවන්නේ ඔබ විසින් මෙහිදී තෝරාගත් ශ්‍රේණියට අදාලව, තෝරාගත් විෂය යටතේ බැවින් ශ්‍රේණිය හා විෂය තේරීමේදී වඩාත් සැලකිලිමත් වන්න. ඔබ සකසන්නේ විෂයකට අදාල ලිපියක් නොවේ නම් ශ්‍රේණිය තේරීමෙන් වළකින්න. වැරදි ලෙස විෂය තෝරන ලද අවස්ථාවක් පහත රූපයේ දැක්වේ.


3. ලිපි සැකසීමේ කවුළුව full screen ආකාරයට සකසා ගන්න. ඒ සඳහා රූපයේ දැක්වෙන බොත්තම ඔබන්න.

4. ලිපිය සැකසීම ඇරැඹිමට පෙර show invisible characters හා show blocks යන බොත්තම් ඔබා එම පහසුකම් සක්‍රීය කරගන්න. එමගින් ලිපිය සැකසීම වඩාත් පහසු වනු ඇත. ලිපියේ ඡේද දෙකක් අතර පවතින සත්‍ය දුර මෙමගින් ඔබට වඩාත් පහසුවෙන් අවබෝධ කරගත හැකිවනු ඇත. ඇතැම් ඡේද වල spacing නිවැරදිව සැකසූවද ලිපිය save කිරීමෙන් පසුව බලන විට spacing වෙනස් වී ඇත්තේ ඔබට නොපෙනෙන paragraph blocks ආදිය ඡේද අතරට එකතු වී තිබීම නිසයි. show blocks බොත්තම සක්‍රීය කිරීමෙන් එම නොපෙනෙන paragraph blocks ආදිය ඉවත් කළ හැකිය.
ඇතැම් තැන් වල අළු පැහැ කොටු වශයෙන් පෙනෙන්නේ invisible characters ලෙස පවතින spaces වන අතර සාමාන්‍ය space එකක් හා ivisible character එකක් ලෙස පවතින space එකක් අතර ලොකු වෙනසක් නැත. එනිසා ඒවා ඉවත් කිරීමට කරදර නොවන්න. ivisible character පහසුකම අක්‍රීය කිරීම මගින් ඒවා සඟවා තබාගත හැක.

5. ලිපිය ලිවීම ඇරඹීමට පෙරම ඡේද වල alignment Justify ලෙස සකසන්න. වීශේෂ ලිපියක් සකසන්නේනම් සුදුසු අනෙකුත් alignment එකක් තෝරාගන්න. සාමාන්‍ය ලිපියක් සකසන සෑම විටකම alignment එක justify ලෙස සකසන්න.

  • myschool වෙබ් අඩවිය සහාය දක්වනුයේ සිංහල යුනිකේත (unicode) සඳහා පමණක් වන අතර සිංහල fonts භාවිතා කළ නොහැක.

  • ඔබ සම්පාදනය කළ ලිපිය සිංහල unicode භාවිතයෙන් word document එකක් තුල යතුරු ලියනය (type setting) කර ගැනීමෙන් අනතුරුව වෙබ් අඩවියේ editor window එක් තුල paste කරගෙන පසුව සම්මත ආකෘතිය අනුව හැඩසවීම හෝ එක්වරම editor window එක තුල සම්මත ආකෘතිය අනුව හැඩසවමින් type කරගැනීම කළ හැක.

  • ඔබට සිංහල typing අපහසුනම් ඒ සඳහා පැන්සල වැනි යුනිකේත පරිවර්තක මෘදුකාංගයක හෝ www.easysinhalaunicode.com වැනි වෙබ් අඩවියක සහාය ලබා ගත හැක.

ලිපියක් ලියන අතරතුර,

1. අන්තර්ජාලයෙන් උපුටාගත් ලිපි අප වෙබ් අඩවියේ පළකිරීමෙන් වළකින්න. ඔබ විසින් පළකරනු ලබන ලිපිය ස්ව නිර්මාණයක් විය යුතු අතර අත්‍යාවශ්‍ය මොහොතකදී වෙනත් ලිපියකින් හෝ අන්තර්ජාලයෙන් කොටස් උපුටාගෙන දැක්විය හැකි නමුත් එය උපුටාගැනීමක් බව පැහැදිලිව සඳහන් කළ යුතුය. (අන්තර්ජාලයෙන් ඡායාරූප ලබාගැනීම මෙයට අදාල නොවේ) සමස්ථ ලිපියම අන්තර්ජාලයෙන් හෝ අන්තැනකින් උපුටාගෙන එය ස්ව නිර්මාණයක් සේ දැක්වීම කිසිසේත්ම නොකළයුතු. (පහත රූපය බලන්න) අප වෙබ් අඩවියේ එවැනි උපුටාගත් ලිපි පළනොකරන අතර එවැනි ලිපි සඳහා කිසිඳු මුදල් ගෙවීමක් සිදු කරන්නේද නැත. එවැනි වංචාකාරී ලිපි සම්පාදකයන්ගේ සාමාජිකත්වය අවලංගු කිරීමටද කටයුතු යොදනු ලැබේ. සෑම විටම අන් අයගේ බුද්ධිමය දේපළ අයිතීන් සුරැකීමට කාරුණික වන්න.

(අප වෙත එවූ උපුටාගත් ලිපියක්)



(අන්තර්ජාලයේ ඇති මුල් පිටපත)

2. ලිපිය ආරම්භයේදීම යලිත් වරක් ලිපියේ මාතෘකාව යෙදීම නොකළ යුතුය. ලිපිය ලිවීමට පෙර අවස්ථාවේදී ඔබ විසින් යොදන ලද මාතෘකාවම, ලිපිය වෙබ් අඩවියේ පළකළ පසු ලිපියට ඉහලින් මාතෘකාවක් සේ දිස්වීමට සැකසුම් සකස් කොට ඇත.


 

3. සෑම ලිපියකම සාමාන්‍ය අන්තර්ගතය 12 font size එකෙන් font colour black වශයෙන් තිබියි යුතුය. නමුත් මාතෘකා, උප මාතෘකා, උපුටා ගැනීම්, වැදගත් කරුණු ආදී විශේෂ අවස්ථා දැක්වීමේදී font size වෙනස් කිරීම, font colour වෙනස් කිරීම, italic හෝ bolt කිරීම ආදී වශයෙන් ඔබට රිසි පරිදි හැඩසවීම් සිදු කළ හැක.

4. මාතෘකා, උප මාතෘකා, රූපක (images), ඡේද ආදිය යෙදීමේදී සෑම විටම paragraph block එකක් තුල යෙදීමට සැළකිලිමත් වන්න. (paragraph block එක දිස්වීමට paragraph block බොත්තම සක්‍රීය කර තිබිය යුතුය.) එමගින් සෑම ඡේද දෙකක් අතර හෝ උප මාතෘකාවක් හා ඡේදයක් අතර පරතරය නිශ්චිත අගයකට සැකසිය හැක. පහත රූපයේ කඩ ඉරි වලින් දැක්වෙන්නේ paragraph blocks ය.


ඡේදයක් type කිරීමට පෙර formats ---> Blocks ---> paragraph යන සැකසුම් යෙදීමෙන් paragraph block එකක් නොමැතිනම් එකක් ලබාගැනීම කළ හැක. ඡේදය type කිරීමෙන් පසුවද ඡේදය select කොට formats ---> Blocks ---> paragraph සැකසුම යෙදීමෙන් paragraph block එකක් යෙදිය හැක. පහත රූපය බලන්න.


එක් paragraph block එකක් තුල ඡේද දෙකක් එක් කිරීමට අවශ්‍ය නම් ඡේද දෙක අතර වැඩි පරතරයක් එක් කිරීමට shift + enter ඔබා nonbrak paragraph එකක් එක් කරන්න. nonbreak paragraph එකක් එක් වූ පසු පහත රූපයේ පරිදි දිස් වේ.
 

ඡේදයක් type කිරීමේදී enter key එක එබීමෙන් නව ඡේදයක් නව paragraph block එකක් තුලින් ඇරඹෙන් නමුත් shitf + enter key combination එක එබීමෙන් නව ඡේදයක් පවතින paragraph block එක තුලම ඇරඹේ.

5. එක් ඡේදයක අවසානය හා නව ඡේදයක ආරම්භය අතරට වැඩිපුර හිස් ඉඩක් යොදන්න. මේ සඳහා අමතර ඉඩ අවශ්‍ය ඡේද දෙකෙන්, උඩි පවතින ඡේදයේ අගට nonbreak paragraph (shift + enter) එකක් එක් කිරීම වඩාත් සුදුසු ක්‍රමය වේ. රූපය බලන්න. 1. ඔබ විසින් සැකසීමට අදහස් කරගෙන ...... ලෙස පවතින ඡේදයේ අගට nonbreak pragraph එකක් එක් කොට ඇත. එමගින් 1. හා 2. ඡේද දෙක අතරට වැඩි ඉඩක් එක් වී ඇත.


අමතර ඉඩ අවශ්‍ය ඡේද දෙක අතරට වැඩිපුර enter key එකක් ඔබා හිස් paragraph block එකක් එකතු කර ගැනීම එතරම්ම සුදුසු නොවේ. හිස් paragraph block වල අකුරු නොමැති බැවින් ඒවායේ උස ඉබේම වෙනස් වීම නිතරම සිදු වේ. උස වෙනස් paragraph blocks දෙකක් පහත රූපයේ දැක් වේ.



6. මාතෘකාවක් හෝ උප මාතෘකාවක් පැහැදිලිව කැපී පෙනෙන පරිදි තිබිය යුතුය. මේ සඳහා මාතෘකාවේ font colour වෙනස් කිරීම, font size වැඩි කිරීම, bolt කිරීම වැනි දෙයක් කරන්න. ඔබ විසින් පසුව යොදනු ලබන සෑම මාතෘකාවකටම එකම style එකක් යෙදීමට වගබලාගන්න. එමෙන්ම උප මාතෘකා, ප්‍රධාන මාතෘකා වලින් වෙන් වී පෙනෙන පරිදි ඒවාටද වෙනස් ආකාරයේ style එකක් යොදන්න. ඉහත රූපයේ "කෘෂි කර්මාන්තයට ලැබුණු රාජ්‍ය අනුග්‍රහය" ලෙස ඇත්තේ එවැනි වෙනස් style එකක් යෙදූ උප මාතෘකාවකි. මෙම ලිපිය සැකසීමේදී විශේෂිත කරුණු දැක්වීමට, එම අදාළ වාක්‍ය bolt කර font colour එක ලෙස රතු පැහැය තෝරාගෙන ඇත.

7. ලිපියට ගැලපෙන ආකාරයේ පින්තූර (images) යොදන්න. ලිපියේ ආරම්භයට එක් පින්තූරයක් යොදන්න. ඊට අමතරව ලිපිය අතරමැදට, ඒ ඒ කොටසට ගැලපෙන ආකාරයේ සුදුසු පින්තූරයක් යෙදීමෙන් ලිපිය කියවාගෙන යෑමේදී ඇතිවන ඒකාකාරී භාවය මගහරවා ගෙන, විවිධත්වයක් එක් කළ හැක. අන්තර්ජාලයේ පිරික්සීමෙන් ගැලපෙන පින්තූරයක් පහසුවෙන් සොයාගත හැක.



8. ඔබ html භාවිතය පිළිබඳව සුළු හෝ දැණුමක් ඇත්තෙක්නම් Source code බොත්තම එබීමෙන් මතුවන html දර්ශන ප්‍රාකාරය තුළින් ලිපියේ සැකසුම් කිරීමට හැක. (පහත රූපය බලන්න) එය ඇතැම් අවස්ථා වල යම් යම් සැකසුම් කිරීමට සැබවින්ම උපකාර වේ. නමුත් මේ සඳහා html පිළිබඳ සුළු හෝ දැණුමක් තිබීම අත්‍යාවශ්‍ය වේ.


ඉහත දැක්වෙන උපදෙස් අනුගමනය කරමින් ඉදිරි ලිපි සම්පාදනය කළ යුතු බව නැවත වරක් අවධාරණය කරන අතර, එමගින් ඔබගේත් අපගේත් වටිනා කාලය හා ශ්‍රමය බොහෝ සෙයින් ඉතිරි කරගත හැක. එමගින් ඔබගේ ලිපි වෙනුවෙන් මුදල් ගෙවීමද වඩාත් ඉක්මන් වන අතර වෙබ් අඩවියේ ගුණාත්මක භාවයද වර්ධනය වේ.




ලිව්වේ : යසිරු
අවවාද ලියු දිනය : Sat 27 Aug 2016
මෙම ලිපිය කියවා ඇති ගණන : 2318
අනෙකුත් ලිපි
ශ්‍රිතයක සීමාව
(Prabath විසින් 2018-11-11 දින උසස්පෙළ යටතේ සංයුක්ත ගණිතය විෂයට අදාලව ලියන ලදි)

සීමාව ගණන් හදන්න පුළුවන් උනාට ගොඩක් වෙලාවට සීමාව ගැන හොඳ පැහැදිලි චිත්රයක් අපි අතරේ නැති වෙන්න පුළුවන්. ඇත්තටම මොකක්ද මේ ශ්රිතයක සීමාව කියන්නේ? ගණිත ගැටලුවක දේවල් ...


අන්තර්ජාතික වෙළඳාමෙ ගෙවීම් ක්‍රම-ණයවර ලිපිය හා එහි ක්‍රියාකාරීත්වය
(Eeshara විසින් 2018-11-07 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

සලේඛන ණයවර මෙය අන්තර්ජාතික වෙළඳාම සඳහා යොදා ගන්නා වූ විශ්වාසවන්තම හා යම්කිසි පිරිවැයක් දැරීමට වන ගෙවුම් ක්රමයයි. ණයවර ලිපියක් යනු, එහි පද හා නියමයන් සපුරමින් නම් කළ ...


අන්තර්ජාතික වෙළඳාමෙ ගෙවීම් ක්‍රම- විනිමය බිල්පත සහ රැස් කිරීමකට සම්බන්ධ වන පාර්ශව
(Eeshara විසින් 2018-11-07 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

විනිමය බිල්පත සහ රැස් කිරීමකට සම්බන්ධ වන පාර්ශව. සරලව ගත් කල විනිමය බිල්පතක් යනු පාර්ශවයක් විසින් තවත් පාර්ශ්වයක් වෙත යම්කිසි ගනුදෙනුවකට අදාළ කිසියම් වටිනාකමක් ඉල්ලූ විට ...


අන්තර්ජාතික ගැටුම්
(Disna විසින් 2018-11-06 දින සාමාන්‍යපෙළ යටතේ පුරවැසි අධ්‍යාපනය විෂයට අදාලව ලියන ලදි)

රාජ්යයන් අතර පවත්නා ගැටුම් අන්තර්ජාතික ගැටුම් ලෙස සරලව හඳුනාගත හැකිය. මෙම ගැටුම් ප්රධාන කොටස් දෙකක් යටතේ දැක්විය හැකිය. එනම් මතවාදී ගැටුම් හා යුධමය ගැටුම් වශයෙනි. ...


අන්තර්ජාතික වෙළඳාමෙ ගෙවීම් ක්‍රම-විවෘත ගිණුම්
(Eeshara විසින් 2018-11-06 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

විවෘත ගිණුම් ක්රමය මෙම ක්රමයේ දී ප්රථමයෙන්ම අපනයනකරු විසින් ආනයනකරු වෙත මුලින් ම භාණ්ඩ නැව්ගත කරන අතර නැව්ගත කිරීමේ දී අදාළ ලිපි ලේඛන ආනයනකරුට සෘජුවම යවනු ...


ප්‍රජාතන්ත්‍රවාදී පාලනයක මූලික ලක්ෂණ
(Disna විසින් 2018-11-06 දින සාමාන්‍යපෙළ යටතේ පුරවැසි අධ්‍යාපනය විෂයට අදාලව ලියන ලදි)

ප්රජාතන්ත්රවාදී පාලනය යන්න සරලව හැඳින්විය හැකි වන්නේ ජනතාවගේ පාලනය යන්නයි. ප්රජාතන්ත්රවාදී පාලනය ආකාර දෙකකට ක්රියාත්මක වේ. 1. ඍජු ප්රජාතන්ත්රවාදය2. වක්ර ප්රජාතන්ත්රවාදය ග්රීසියේ ඇතෑන්ස් පෞර රාජ්යයේ පාලන කටයුතු ...

1 නෙක් කැමතියි

අන්තර්ජාතික වෙළඳාමෙ ගෙවීම් ක්‍රම- සලේඛන රැස් කිරිම
(Eeshara විසින් 2018-11-06 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

අපි මේ ලිපියේදී සාකච්ඡා කිරීමට බලාපොරොත්තු වන්නේ අන්තර්ජාතික වෙළඳාමේ ඉතා වැදගත් ගෙවුම් ක්රමයක් වන සලේඛන රැස් කිරීම පිළිබඳවයි. මෙම අවස්ථාවේ දී අපනයනකරු (ප්රධානියා) වෙළඳ ගිවිසුමට අනුව ...


අන්තර්ජාතික වෙළඳාමෙ ගෙවීම් ක්‍රම
(Eeshara විසින් 2018-11-04 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

අන්තර්ජාතික වෙළඳාමෙ ප්රධාන ගෙවුම් ක්රම හතරක් දැක ගත හැක.ඒවා පහත පරිදි වේ. අත්තිකාරම් ගෙවීම විවෘත ගිණුම් ක්රමය සලේඛන රැස් කිරිම සලේඛන ණයවර යන ප්රධාන ක්රම ...


short note
(lalith විසින් 2018-11-03 දින සාමාන්‍යපෙළ යටතේ සිංහල විෂයට අදාලව ලියන ලදි)

තොරතුරු සන්නිවේදන තාක්ෂණය - කෙටි සටහන දත්ත - වෙන් වෙන් වශයෙන් ගත් කළ අර්ථයක් දීමට නොහැකි අංක, වචන,සලකුණු දත්ත ලෙස හැඳින්වේ. තොරතුරු - දත්ත ගොනු කිරීමෙන් හා ...


ශිෂ්‍යත්ව විභාගය සදහා පෙර පුහුණු බුහුවරණ ප්‍රශ්න පත්‍ර 02
(Anura විසින් 2018-11-01 දින 3-වසර යටතේ සිංහල විෂයට අදාලව ලියන ලදි)

ප්රශ්නයක පිළිතුරකට ලකුණු 2.5 ක් ලබා දෙන්න (1 ) වැවක ජලය බැස යාමට ඇති දොරටුව කුමක්ද? සොරොව්ව (2) වක්කඩ (3) කවාඩුව (2)සපත්තු හදන තැනැත්තා කුමන නමකින් හැදින්වේද? ...